Linggo, Enero 1, 2012

Reflection sa Kantang Magkabilaan ni Joey Ayala

                    Ang mensahe na nais ipahiwatig sa akin ng awiting magkabilaan ni Joey Ayala ay may dalawang magkaibang lipunan ang nandito sa ating mundo at magkaiba ang buhay ng tao ngayon kaysa sa dating panahon ng mga taoo noon. May mga linya sa kanta na nagpapahiwatig ng magandang kahulugan kaya agad ko itong napansin. Ang isa sa mga linya na napansin ko ay "Kapag nawala ang isa hindi raw mababatid", itong linya na ito ay nagpapahiwatig na ang tao sa ngayon ay hindi na kayang mabuhay mag-isa na kailangan nila na magkaroon ng katuwang sa buhay, isa lang to sa mga linya ng kanta na may kahulugan sa realidad ng buhay na kailangan maintindihan ng mga tao ngayon.


                    Sa ating bansa kahit ikaw ay isang hari, mayaman, isang presidente o di kaya may mataas na posisyon sa ating bansa at mahirap, wala na ngayong pinipili ang krimen na nangyayari sa ating bansa kaya nakakalungkot ang nangyayaring ito. Isa sa dahilan ng mga krimen na nangyayari sa ating bansa ngayon ay kasakiman na nagdudulot/nagtutulak sa tao upang maging masama. Ang katagang "Lahat ng bagay na may buhay sa mundo ay magkaiba". Ang katagang ito ay mahahalintulad mo sa kanta ni Joey Ayala dahil ito ay naglalarawan na may hinahawakang bagay ang mga mahihirap na wala ang mga mayayaman at may mga bagay na man na hinahawakan ang mayayaman na wala ang mga mahihirap. Isa lang ito sa mahalagang nangyayari sa ating bansa.


                     Kung sinu pa ang mga alipin yun pa ang nagiging mas malaya sa karamihan na siya nakakagawa ng kabutihan sa ibang tao. Sa lipunan na ginagalawan natin ngayon, totoo ang linyang ito sa kanta ni Joey Ayala dahil karamihan sa mga mayayaman ay palaging nag-aaway dahil alam naman natin na ang puno't dulo ng pag-aaway na ito ay pera.


                        Ang kantang ginawa ni Joey Ayala ay isang ispirasyon na magpapamulat sa mga tao sa mga nangyayari sa ating bansa.

Pinakanakakainis na Karanasan n'yo Ngayong Christmas break 2011

                    Nang malapit nang mag Christmas Break, nalaman kong may takdang-aralin pala kami sa Filipino ito ay gumawa ng isang blog. Ang blog naming gagawin ay may tatlong paksa; Ang pinakanakakainis na karanasan n'yo ngayong Christmas Break, Reflection sa kanta ni Joey Ayala, at Malayang Paksa. Sa unang paksa na ibinigay sa amin ako'y napatanong sa aking sarili, "May kakainisan kaya akong karanasan sa nalalapit na christmas break? Pero sabi ko sa aking sarili, sino namang tao ang maghahangad na magkaroon na panget/kinakainisan na karanasan sa nalalapit na kapaskuhan.

                    Sumapit na ang araw ng umpisa ng aming christmas break pero ala pa namang panget na karanasan ang nangyayari sa akin. Nang sumunod na araw ala pa rin, nakalipas na ang pasko pero al parin talagang nangyayaring panget o nakakainis sa aking christmas break. Pero nagpapasalamat ako puro maganda ang mga karanasan ko mula nang nagumpisa ang christmas break hanggang kapaskuhan. Kaya walang nangyaring panget o nakakainis na karanasan ko noong chrismas break dahil ako ay gumala kasama ang aking mga kaibigan at ang higit sa lahat lumabas kami ng aking pamilya. Ang mga araw na iyon ay ginamit ko rin upang gumawa ng takdang-aralin sa iba pang subject para nakapokus nalang ako sa paggawa ng blog na ito.

                    Nakalipas pa ang ilang araw wala talaga bawat, araw ko ay maganda lalo na nung pasko dahil kahit di ako namasko nagkaroon pa rin ako ng pera. Alam kong ang paksa ng blog na ito ay "Pinakanakakainis na Karanasan n'yo Ngayong Christmas break 2011" pero ano ang magagawa ko kung wala akong kinakainisang karanasan ko ngayong christmas break. Lahat kasi puro maganda at masaya. Laking pasasalamat ko na naging maganda ang aking pasko.

Malayang Paksa (Mga Suliranin ng Bansa: Paano ka mawawala?)

                    Halos nararamdaman sa lahat ng bansa sa mundo ang malubhang epekto ng suliranin sa ekonomiya. Sa Pilipinas, hindi lang sa krisis sa ekonomiya ang problema, kung di may marami pang suliranin na nakapipigil sa pag-unlad sa ating bansa. Ito ay ang suliraning panlipunan. Isa sa mga suliraning ito ang pagkalulong sa ipinagbabawal na gamot, laong-lalo na ang mga kabataan sa panahon ngayon, mga katiwalian sa pamahalaan, mga krimeng pag-nanakaw at pag-patay, at pang-aabuso sa mga kabataan. Kailangang mabigyang lunas kaagad ang mga suliraning ito upang hindi na lumaki pa.

                    Ang panganib na dulot ng mga ipinagbabawal na gamot ang pangunahing hinaharap ng bansa. Maraming pilipino ang nalululong dito lalo na ang mga kabataan. Isa sa mga ibedensya nito ay ang mga batang makikita sa lansangan na may hawak na plastik at inaamoy ang rugby sa loob nito. Kapag nalulong sa droga ang isang tao, nawawala ito sa tamang pag-iisip. Hindi na niya malalaman kung ano ang ginagawa niya kung ito ba ay tama o mali. kapag ang tao ay nalulong sa droga, kakambal na nito ang iba pang krimeng lumalaganap. Natututo ang isang tao ng pagnanakaw kung wala na itong pambili ng gamot, ang ilan ay mananakit ng ibang tao kung hindi magbibigay ng perang pambili o hindi kaya ang pinakamasama sa lahat ay ang pagpamatay sa kapwa.


                     Lubhang nagiging mapanganib na ang Pilipinas sa nagaganap na mga krimen laban sa mga tao at ari-arian. Halos laman ng mga pahayagan araw-araw at maging ang mga balita sa radyo at telebisyon ang nakawan, pananakit o pagpatay at pagkidnap. Dahil narin ito dahil sa hirap ng buhay na nararanasan nila. May mga nagnanakaw dahil ito ang ginagawa nilang pinagkikitaan. Pero mas maraming pilipinong napipilitan lamang na magnakaw dahil hindi nila kayang itaguyod ang pamumuhay ng kanilang pamilya.


                    Mga katiwalian sa pamahalaan, ito ay isa rin sa pangunahing dahilan ng pagbagsak ekonomiya sa bansa. Sa halip na mapunta ang pondo ng pamahalaan sa mga proyekto at mga programa, napupunta lamang ang karamihan nito sa bulsa ng mga hindi mapagkatitiwalaan at mga tiwaling opisyal. Dahil dito madalas na nagkakaroon ng pagkukulang sa badyet ng pamahalaan na nagiging dahilan naman upang hindi mababayaran ang mahalagang serbisyo ng gobyerno tulad ng edukasyon, kalusugan at iba pa.

                     Nangunguna sa nararapat nating bigyan ng pansin ang laganap ng katiwalian sa pamahalaan. Mahalagang bigyan ng atensyon ang suliraning ito sapagkat tayo ang pangunahing naapektuhan sa masasamang bunga ng katiwalian. Kung may alam tayo na hindi magandang ginagawa ang mga namumuno sa bansa at sa pamahalaan, dapat kaagad nating isumbong.

                     Maraming hinaharap na suliraning panlipunan ang pilipinas, hindi naman tumigil ang mga mamamayang pilipino na maghanap ng mabisang kalutasan sa mga suliraning ito. Nagtutulungan ang pamahalaan at ang mga mamamayan na maisaayos ang nakababahalang lagay ng lipunan. Bilang estudyante at isang mamamayan ng Pilipinas, maraming tayong magagawa upang makatulong sa pamahalaan. Tungkulin natin ito hindi lamang sa bansa kundi pati na rin sa ating mga kababayan at sa ating sarili.

                     Sa pag-sugpo ng mga suliranin sa bansa hindi lang dapat ang mga gobyerno, o kahit na anong programa ang susuporta pati na ang pamahalaan at ang mga mamayan. Kung tayo lang ay magtutulungan malulunasan natin ang mga problema sa ating bansa, at siguradong lalakas ang ekonomiya at uunlad ang ating bansa.